SIGNORE te go trovà! Te go trovà, Signore, nel me bosco in montagna, nele prime viole sui colli, nel vento tepido de primavera che me caressava el viso come la man de na dona. Nei tramonti in Kenia, nela foresta amazzonica, nel mar dei Carabi. Ma te... go trovà anca nela erussion dei vulcani co un sfracelo de morti e la lava che distruzeva tuto: omeni e case… Nei terremoti che massacra dei poari cani, nela cesa in Irpinia incalcà de fedeli sderenà soto le macerie. E nei cancri, e nei urli bestiali dei malà terminali, e nele lagrime dele done sensa speransa. Ti, imbarassà, te pestugni coi piè come un puliero, e te te volti par no vedare. E te te meti la cera ne...le rece. Signore, infinita bontà, tra poco vegnarò a trovarte. E go idea che faremo a bote. Dino Durante (ultimo scritto di Dino) “EL STROLOGO” edizione del 2003